特殊身份 ( Special ID ) 澳門銀河影院

        故事講述；警方臥底探員 陳子龍 ，混入以 長毛雄 為首的黑社會集團裏進行監視工作。一天， 長毛雄 懷疑被自己的小頭目 SUNNY 黑吃黑，所以派 子龍 到國內追查 SUNNY 的下落及取回貨物，同一時間，警方亦想 子龍 在 SUNNY 的手上取得 長毛雄 的犯罪証據，但 子龍 想不到自己的身份已經被 長毛雄 發現……

     本片由 霍耀良 負責做導演、 林超賢 負責做飛車特技，再由 甄子丹 負責做武打指導，本應係電影裏的最強組合，所以如果大家祇求睇宇宙最強 甄子丹 單打獨鬥及飛車的話，本片可以滿足您哋的要求，因為無論武打、飛車都做得非常出色。但如果您要求有合理的劇情話，那您就要放棄睇了，因為劇情實在十分鬆散、做到一拂拂，毫無連貫性，仲要 甄子丹 說出一大堆好似好有道理，但又無厘頭的說教式對白 ( 即係講完都唔知佢想表達甚麽 )，唉，我哋都係想睇 甄子丹 的武打啫，您講咁多嘢做物啫，所以一句講晒，編劇真係一文不值。
所以就算得到世界上最好的兵器，但如果無人識用，就等如一大堆癈鐵。